والله عشنا وشوفنا .. ناس كبرت واتبغددت وعرفت تتكلم .. بعد ما كان الباشوات والأتراك .. فارضين على أهاليهم ما يلبسوا إلجلابية البيضه أبدا .. وناهبين تمن شباشبهم وأبائيبهم الخشب وسايبينهم يا عين أمهم ماشيين يببلبطوا فى الطين .. رجليهم مشققه ومقشفين .. ومن تحت .. الله أعلم يا ترى كانوا لابسين …… ولا كانوا من غيره عريانين ..
دلوقتى عرف أولادهم وأحفادهم يتكلموا .. ويعارضوا .. ويهاجموا .. وينقدوا وينتقدوا .. حتى أحيانا الكلام اللى بيطلع من بقهم بيقولوه وهما مش فاهمين .. ولا على إيه من المواضيع بيتكلموا ولا هما عارفين !
وعجبى ..
طيب من الخواجات إتعلموا الإتيكيت .. وقولوا ميرسى ولا متشكرين ..
ولا بس كلام فى الدين الله أكبر بست ألسن .. وإيه منه ؟ .. ولا حاجه منفذين ؟
الأسلام بيعلم الذوق فى الكلام .. وبيقول لما يساعدك حد .. ولا يعطيك هبه .. ولا يعملك أى خير .. قول له .. جزاك الله خيرا .. أو متشكرين ..
فيه حديث بيقول .. إن لم تقل خيرا فلتصمت ..
أما تستهبل .. وتقول كلام جبايصى .. حلاليفى جاموسى يعنى .. !!
بصراحه .. يبقى كدا مش مظهر حضارى .. ولا عقليه مثقفة .. ولا تبرهن على أنها متعلمه .. ولا حتى متربيه .. وبكده يبقى الأخلاق إنعدمت .. وهى دى واحده من نقط الخلاف الشديد والحاد اللى بينى وبين اللى بيهاجموا عبد الناصر ..
هما بيقولوا إيه ؟
بيقولوا إن عبد الناصر هو اللى أفسد أخلاق الشعب ..
تقول له ليه ؟
يقولك عشان عمل مجانية التعليم .. وقال للواطى إرفع راسك يا أخى فقد مضى عهد الأستعباد .. وبكده يكون الواطى بقى ضابط ودكتور ومهندس .. وبكده يكون ساوى إبن الناس مع الواطى .. يعنى زى ما بيقولوا سوى العاطل مع الباطل !!
طبعا أصحاب هذا الرأى .. والله حينما كنت أنظر فى وجوههم أثناء الحديث .. فأشعر وكأنه مكتوب على جباههم كلمة غبـــــــــــــــــــــــــاء .. إزاى ؟ .. معرفش !!
أستمع إلى كلامهم .. وأنا غاية فى الأستغراب .. فعلا صدق المثل اللى بيقول ملقاش فى الورد عيب ………. كملوه إنتوا بقى !!
يعنى لما يجى واحد ينصر الفقير ويساعده لأخذ حقه .. كى يحيا ويدور مع عجلة الحياه بعزة وكرامة شأنه شأن الناس الآخرين ……….. يا ترى …… دا يبقى عيب فى عبد الناصر يدخله النار؟ .. ولا ميزه تدخله الجنه ؟.. الآ يحث الأسلام على مساعدة الناس ورفع معاناتهم ؟
ثم إفرض إن اللى ساعده
